Edhe pse jemi në javën e shumëpritur të finales, tensionet brenda shtëpisë së Big Brother VIP Albania kanë arritur kulmin dhe debatet nuk kanë ndërmend të ndalen as në këto ditë të fundit.
Përplasjet mes banorëve po bëhen gjithnjë e më të forta, duke dëshmuar se gara është më e fortë se kurrë dhe se çdo moment mund të ndikojë në rrugëtimin drejt finales.
Në qendër të vëmendjes së fundmi është një debat i ashpër mes Rogertit dhe Mateos, i cili ka tërhequr interes të madh nga publiku dhe ndjekësit e formatit.
Në një video që po qarkullon me shpejtësi në rrjetet sociale, Rogerti shfaqet duke folur me tone të forta gjatë përballjes me Mateon, duke nxitur reagime të shumta për mënyrën se si po zhvillohen marrëdhëniet mes banorëve në këtë fazë vendimtare të lojës.
