Spektakli i mbrëmjes së sotme të Big Brother Vip Albania ka nisur me debate të forta mes Mirit dhe Selin. Shkak është bërë marrëdhënia e tyre, e afërt nga nisja e këtij edicioni, por që u kris më vonë. Dyshja duket se nga miq tashmë janë armiq.
Selin është shprehur gjatë fjalës së saj se Miri është një personazh që nuk do ta shohë më. Ndër të tjera tha se Miri ka kërkuar që t’i hiqte vëmendjen Kutisë së Pandorës, e cila thelloi dhe më shumë debatet dhe përplasjes mes tyre.
Më tej Selin u shpreh se Miri i ka konfirmuar Rogertit se sipas tij, ka pasur prekje në shtrat mes banorëve, ndërsa banori iu kthye se çdo gjë që Selin thotë është gënjeshtër.
Replikat:
Selin: Të them të drejtën, po të mos ishte për opinionin e Arbërit përpara disa Prime-sh, kur jam përpara një personi që dua t’ia nxjerrë fytyrën, unë e sulmoj dhe nuk e lë të qetë. E kam shprehur që Miri në sytë e mi është një personazh që nuk dua ta shoh më. Po të kishte dalë çdo gjë që Miri ka thënë, do kishte dalë më keq. Dëshira e Mirit ka qenë që Kutisë së Pandorës t’i hiqte vëmendjen. Unë mora një përgjigje që nuk e mora kurrë. Mora përgjigje për prekjet e Mirit, i cili ia kishte konfirmuar Rogertit.
Miri: Ja pra ku është një gënjeshtër, sepse je manipuluese.
Selin: Ka thënë në diskutimin tonë që nuk do të dalë i keq.
Miri: Kam thënë që ose do të dalim të dy mirë, ose të dalim të dy keq.
Selin: Të ma shpjegojë pak Rogerti, çfarë është ‘ta ka ngjeshur Miri në krevat’. Këto janë dy gënjeshtarë që nuk i leverdis asnjërit të nxjerrë fytyrën e tyre të vërtetë. A e di çfarë është fjala ‘ngjeshur’. Miri duhet të kuptojë që Selin ka lojë me secilin që këtu di të luajë.
Miri: Për këtë të fundit që thotë Selin, nuk është e vërtetë, sepse asnjëherë nuk kam kërkuar debat me Selin. Kisha një situatë që unë e dëgjoja përditë që ajo kështu, ajo ashtu. Nëse unë kam kërkuar një situatë, kam kërkuar të pyes vetëm për atë që pyeta. Aty iu vendos pika. Nuk kam kërkuar asnjë situatë me Selin.
