Rrugëtimi i Fabjola Elezajt në “Ferma VIP” u ndërpre në mënyrë të papritur dhe mes shumë zhurme.
Përdorimi i fjalës “kuçkë” gjatë një debati dhe përplasja e drejtpërdrejtë e tensionuar me moderatoren Arbana Osmani shkaktoi një furtunë komentesh negative dhe çoi në eliminimin e saj të menjëhershëm me vendim të publikut.
Në ato momente, dukej se audienca e kishte “kryqëzuar” ish-banoren për sjelljen e saj. Megjithatë, siç ndodh shpesh me dinamikat e reality show-ve, dalja jashtë mureve të shtëpisë dhe rikthimi në jetën reale ka sjellë një zhvillim krejtësisht tjetër.
Pasi stuhia fillestare u qetësua dhe Ola nisi të ndajë momente nga përditshmëria e saj, veçanërisht krah partnerit të saj Adionit dhe familjes, duket se një pjesë e mirë e publikut ka ndryshuar qëndrim.
Pavarësisht komenteve të ashpra që mori gjatë qëndrimit në program, jashtë saj, njerëzit kanë filluar të tregojnë interes dhe një lloj empatie të re për të, duke u fokusuar te jeta e saj përtej “gabimeve” televizive.
Ky ndryshim i perceptimit publik përkthehet më së miri në shifra. Që nga momenti i daljes nga shtëpia e “Ferma VIP”, Ola ka shënuar një rritje të jashtëzakonshme në rrjetet sociale.
Ajo ka arritur të grumbullojë mbi 30 mijë ndjekës të rinj në llogarinë e saj zyrtare në Instagram. Siç konfirmohet edhe nga pamjet e fundit, profili i saj ka kapur tashmë shifrën e 131 mijë ndjekësve.
