Një video e pazakontë nga SHBA ka bërë xhiron e rrjeteve sociale, duke shkaktuar reagime të shumta mes përdoruesve. Në pamje shihet një baba i cili vendos të përdorë makinën për t’i hequr dhëmbin e qumështit djalit të tij minoren, një veprim që shumëkush e ka cilësuar si të çmendur dhe të rrezikshëm.
E gjithë skena është filmuar nga nëna e djalit, e cila ka qenë e pranishme gjatë momentit kur dhëmbi i lidhur me një fije tërhiqet nga makina. Videoja është publikuar më pas në internet dhe brenda pak orësh është shpërndarë masivisht, duke u kthyer në virale në platforma të ndryshme.
Fatmirësisht, sipas pamjeve, gjithçka ka përfunduar pa incidente dhe dhëmbi i djalit është hequr pa pasoja të dukshme. Megjithatë, shumë përdorues kanë theksuar se situata mund të kishte marrë një drejtim të rrezikshëm nëse dhëmbi nuk do të ishte gati për të dalë ose nëse diçka do të kishte shkuar keq.
Videoja ka ndarë opinionin publik në dy kampe të ndryshme. Një pjesë e njerëzve e kanë parë si një moment argëtues mes prindit dhe fëmijës, duke e konsideruar një mënyrë kreative për të hequr një dhëmb të lëvizshëm.
Nga ana tjetër, shumë të tjerë e kanë kritikuar ashpër këtë veprim, duke e cilësuar si të papërgjegjshëm dhe potencialisht të rrezikshëm për një fëmijë. Sipas tyre, situata të tilla mund të përfundojnë me pasoja serioze dhe nuk duhet të përdoren për argëtim apo për të fituar vëmendje në rrjetet sociale.
