Rrjeti po “zien” nga një video që është bërë virale në orët e fundit dhe që duket se konfirmon përfundimisht zërat që qarkullonin prej kohësh: këngëtarja Xhensila Myrtezaj dhe reperi Ledri Vula janë parë shumë pranë njëri-tjetrit.
Prej muajsh në rrjetet sociale flitej për një afërsi mes dy artistëve, sidomos pas disa koncerteve dhe bashkëpunimeve ku fansat vunë re një kimi të veçantë mes tyre. Dyshimet u shtuan edhe më shumë pasi ata janë parë shpesh në të njëjtat ambiente, por deri më tani gjithçka kishte mbetur vetëm në nivel aludimesh.
Së fundmi, një video e filmuar nga disa shqiptarë në një klub nate në Paris duket se i ka dhënë fund spekulimeve. Në pamje, dyshja shihen teksa qëndrojnë shumë pranë dhe shkëmbejnë puthje në buzë, një moment që është shpërndarë me shpejtësi në rrjetet sociale dhe ka ndezur menjëherë reagimet e publikut.
Ndërkohë, vëmendje të madhe ka marrë edhe reagimi i ish-bashkëshortit të Xhensilës, Bes Kallakut. Vetëm pak kohë pas publikimit të videos, ai ka postuar në rrjetet sociale një foto ku shfaqet duke qeshur, të shoqëruar me përshkrimin në anglisht: “The reason behind this smile 🙏🏻”, një mesazh që shumë ndjekës po e interpretojnë si një reagim ironik ndaj situatës.
