Në ditën e 40-të të lojës, Miri theksoi se çdo banor ka hyrë në shtëpinë e “Big Brother VIP” për interesin e vet. Reagimi i tij erdhi pas deklaratës së Selinës, e cila u shpreh se ishte e gatshme të tërhiqej e para nga loja, pavarësisht afrimit që kishin pasur deri tani.
Gjatë një bisede të zhvilluar mbrëmjen e kaluar në shtrat me Stelinën dhe Krusitën, Miri foli hapur për situatën dhe mënyrën se si ajo perceptohet jashtë shtëpisë. Ai u shpreh se, si burrë i martuar, barra e paragjykimit do të binte mbi të, ndërsa Selina, sipas tij, nuk do të përballej me të njëjtin presion.
Miri theksoi se nuk do të lejonte që familja apo fëmija i tij të përfshiheshin në këtë situatë dhe se, pavarësisht gjithçkaje, ai vazhdon të qëndrojë i njëjtë në lojë. Më tej, ai pranoi se ndarja nga krevati kishte sjellë më shumë afrimitet mes tij dhe Selinës gjatë ditës, pa qëllime strategjike apo lojë.
Sipas Mirin, me hyrjen e Gimbos në shtëpi, kjo dinamikë ndryshoi, duke bërë që koha dhe afrimiteti mes tij dhe Selinës të zvogëloheshin. Ai shtoi se Selina kishte fituar më shumë siguri dhe kishte zgjedhur të distancohej, duke shfrytëzuar situata të reja brenda lojës.
Në përfundim, Miri u shpreh i prerë se nuk do të ndjekë askënd dhe se secili duhet të vazhdojë rrugën e vet në lojë. Ai theksoi se një ndarje e paralajmëruar në një fazë të tillë të garës nuk mund të konsiderohet e ndershme, duke shtuar se fitorja duhet të shoqërohet edhe me mirëkuptim nga ana tjetër.
