Policia ka identifikuar autorin e grabitjeve që ndodhën pasditen e sotme, ku u sulmua një taksist dhe u grabitën dy karburante, një në Fushë-Krujë dhe tjetri në Milot.
Sipas uniformave blu, autori i dyshuar është Emiliano Nikolli nga Mamurrasi.
Korrespondentja e Top Channel, Brixhilda Deda, raporton se Nikolli kishte përdorur prej kohësh këtë metodë mashtrimi: ai porosit taksi dhe, kur afrohej pranë destinacionit, i grabiste shoferët nën kërcënimin e armës.
Burime policore bëjnë me dije se të njëjtën teknikë ai e kishte përdorur edhe në fund të muajit dhjetor, kur grabiti një taksist në Tiranë, duke i marrë me forcë telefonin dhe paratë.
