Një fshat në Itali Santo Stefano di Dessanio në përpjekje për të ringjallur ekonominë dhe jetën ofron një shumë prej 40000 euro nëse shkon të jetosh aty. Fshati ndodhet në malet e rajonit të Abruzzos. Ka një pamje piktoreske por aktualisht është i populluar vetëm nga 110 banorë, 13 prej të cilëve nën moshën 20 vjeç dhe 41 mbi moshën 65 vjeç.
Këtë ofertë e kanë miratuar duke e parë si diçka që do të sigurojë një zhvillim të qëndrueshëm të zonës. Qyteti shpreson të tërheqë pastrues, farmacistë dhe persona që mund të promovojnë produktet ushqimore lokale. Oferta përfshin një pagë mujore deri në 7,200 euro për tre vitet e para. Banorëve të rinj do t’u jepet një pronë për të jetuar në të cilën ata do të duhet të paguajnë një shumë qiraje simbolike që nuk është përcaktuar ende.
Kryebashkiaku Fabio Santaviça ka shprehur për mediat se dëshiron ti mundësojë fshatit vazhdimësinë e jetës. Oferta u hap më 15 tetor dhe deri më tani kanë aplikuar rreth 1,500 njerëz. Personat që aplikojnë duhet të jenë ndërmjet moshës 18-40 vjeç dhe të qëndrojnë në fshat të paktën për pesë vjet.
