Vija bregdetare e Orikumit është përballur gjatë ditës së sotme me një situatë të pazakontë natyrore, e cila ka krijuar shqetësim mes banorëve të zonës. Si pasojë e baticës, niveli i detit është rritur mbi 1.5 metra, duke sjellë përmbytjen e disa banesave dhe subjekteve tregtare.
Sipas informacioneve, uji ka mbuluar edhe rrugën kryesore të qytetit, duke vështirësuar qarkullimin. Dyshohet se kjo situatë është shkaktuar nga kombinimi i baticës me erërat e forta dhe dallgëzimin e shtuar të detit.
