Policia e Shtetit ka publikuar këtë të mërkurë një njoftim paralajmërues për qytetarët lidhur me një mesazh mashtrues që po qarkullon së fundmi në celularë, në emër të shlyerjes së gjobave online.
Sipas autoriteteve, mesazhi u kërkon qytetarëve të kryejnë pagesa online për gjoba të supozuara të qarkullimit rrugor. Policia thekson se bëhet fjalë për një tentativë mashtrimi, duke u bërë thirrje qytetarëve që të mos klikojnë linkun dhe të mos japin të dhëna personale apo bankare.
