Vajza e presidentit të SHBA-së, Ivanka Trump, ka mbërritur paraditen e kësaj të mërkure në Vlorë. E shoqëruar nga masa të shtuara sigurie dhe forca policore, ajo ka hyrë në qytet rreth orës 10:00 dhe aktualisht ndodhet në zonën e Ujit të Ftohtë, në një prej hoteleve luksoze të zonës.
Burime bëjnë me dije se Ivanka Trump shoqërohet nga bashkëshorti i saj, Jared Kushner. Kjo nuk është vizita e parë e saj në qytetin bregdetar, pasi Ivanka Trump ka vizituar Vlorën edhe më herët.
Vizitat e çiftit Trump–Kushner në jug të Shqipërisë lidhen me projektin e tyre të rëndësishëm investues në ishullin e Sazanit, i cili pritet të shndërrohet në një destinacion të turizmit elitar. Investimi në Sazan, ku përfshihet edhe Ivanka Trump, synon të sjellë një nivel të ri zhvillimi dhe luksit në sektorin turistik shqiptar, duke e pozicionuar zonën e Vlorës në hartën e turizmit ekskluziv ndërkombëtar.
