Kryeministri, Edi Rama ka folur për integrimin e vendit në Bashkimin Europian. Gjatë fjalës së tij në takimin me qytetarët në njësinë numër 14 në Tiranë, Rama u shpreh se shqiptarëve për herë të parë po u buzëqesh fati, pasi të gjitha fuqitë e mëdha, shqiptarët i kanë me vete.
“Gjithmonë thoja do vijë dita kur të kemi mundësi. Nuk mund të bëjmë aventurë, piramidë. Arritëm në ditën kur mund ta bënim rritjen. Ne kemi, na janë rritur mundësitë, sepse është rritur ekonomia. Atyre që s’u del e keqja që ne vazhdojmë fitojmë, thonë është rritur korrupsioni. Nuk do rritej ekonomia po të ishte rritur korrupsioni. Unë mendoj që potenciali më i madh i pashfrytëzuar janë gratë. 33 përqind gra janë shumë pak. Është me shumë rëndësi, e konsideroj çdo asamble orkestër drejtuese të çdo territori. Për mua, është shumë e rëndësishme që çdo kryetar organizate të jetë i vetëdijshëm, për çështje jashtë personales.
Duhet ta keni parasysh në çfarë kohësh jetojmë sot. Është hera e parë që shqiptarëve u buzëqesh fati, të gjitha fuqitë e mëdha, shqiptarët i kanë me vete. Asnjëherë nuk kemi pasur kaq konkrete mundësi për t’u bërë pjesë klubit europian. Është derë që mund të mbyllet dhe nuk mund të humbet për asgjë në botë. Luftë politike ka edhe në shumë vende të tjera, nuk ia kanë bërë maqedonasit maqedonasve klëtë punë. Por ne kësaj nuk kemi çfarë i bëjnë disa të paudhëve, se nuk e kanë idenë, po tentojnë të dëmtojnë, fatin që shqiptarëve po u buzëqesh,” tha Rama.
