Teksa na ndajnë afro dy orë nga protesta kombëtare e thirrur nga Partia Demokratike, forcat policore janë vendosur përpara Kryeministrisë, duke marrë masa të shtuara sigurie. Prania e policisë është forcuar në perimetrin e institucionit dhe në akset kryesore përreth, ndërsa efektivët po monitorojnë situatën për të garantuar rendin dhe sigurinë publike.
Sipas burimeve, masat e ndërmarra synojnë mbarëvajtjen e protestës dhe parandalimin e çdo incidenti të mundshëm, ndërkohë që qarkullimi i automjeteve në disa segmente mund të pësojë kufizime të përkohshme. Autoritetet u kanë bërë thirrje qytetarëve të shmangin zonën në oraret e protestës dhe të respektojnë udhëzimet e forcave të rendit.
