Kryeministri Edi Rama ka vendosur të largojë Belinda Ballukun nga posti i Ministres së Infrastrukturës dhe Energjetikës, duke emëruar në këtë detyrë Enea Karakaçin. Emërimi i Enea Karakaçit shënon një ndryshim të rëndësishëm në drejtimin e sektorit të energjisë dhe infrastrukturës në vend.

Enea Karakaçi njihet si një ekspert me përvojë të gjatë në fushën e energjetikës dhe administrimit publik. Para këtij emërimi, Enea Karakaçi ka mbajtur disa poste kyçe në Ministrinë e Infrastrukturës dhe Energjetikës, ku ka shërbyer si jurist dhe drejtor, duke kontribuar në hartimin e politikave dhe reformave në sektorin energjetik.

Gjithashtu, Enea Karakaçi ka qenë administrator i Operatorit të Shpërndarjes së Energjisë Elektrike (OSHEE), ku ka luajtur rol të rëndësishëm në menaxhimin dhe përmirësimin e furnizimit me energji elektrike në Shqipëri.

Sa i përket formimit akademik, Enea Karakaçi është diplomuar në Fakultetin e Drejtësisë në Universitetin e Tiranës dhe ka përfunduar studimet Master në Ligjin e Bashkimit Europian (LL.M.) në University of Amsterdam. Eksperienca e tij përfshin angazhim të drejtpërdrejtë në rregullimin e tregut të energjisë, zhvillimin e strategjive kombëtare dhe përafrimin e legjislacionit me standardet e Bashkimit Europian.

Me emërimin e Enea Karakaçit në krye të Ministrisë së Infrastrukturës dhe Energjetikës, pritet një fokus i shtuar në reformimin e sektorit energjetik dhe forcimin e politikave të qëndrueshme për furnizimin me energji në Shqipëri.

The post Enea Karakaci merr postin e Ballukut – Detajet e vendimit appeared first on Shqiperia Post.

Për mbarëvajtjen dhe sigurinë e protestës, Policia e Shtetit ka angazhuar rreth 1 mijë e 350 efektivë të vendosur në terren për ruajtjen e rendit publik.

Në tubim është parë edhe ish-deputeti i Partisë Demokratike, Ervin Salianji. Në podiumin e ngritur përpara Kryeministrisë, fjalën e parë e mbajti Luçiano Boçi, për t’u pasuar nga aktivistë të ndryshëm të PD-së, ndërsa fjalimi përmbyllës iu rezervua kryedemokratit Sali Berisha.

The post Tensione gjatë protestës në Tiranë, përplasje mes protestuesve dhe policisë para Kryeministrisë appeared first on Shqiperia Post.

Kryeministri Edi Rama ka kërkuar shfuqizimin e vendimit të Gjykatës së Posaçme (GJKKO), të marrë në nëntor 2025, për pezullimin e Belinda Ballukut nga detyra. Në procesin kushtetues janë palë edhe SPAK, GJKKO e Shkallës së Parë, Kuvendi i Shqipërisë dhe Presidenti i Republikës.

Më 12 dhjetor, Gjykata Kushtetuese vendosi rikthimin në detyrë të zëvendëskryeministres Belinda Balluku, duke pezulluar përkohësisht vendimin e GJKKO-së të datës 20 nëntor. Vendimi u mor me shumicë votash, 5 pro dhe 3 kundër. Po në të njëjtën seancë, Kushtetuesja pranoi edhe ankimimin e Qeverisë për shqyrtimin e çështjes.

Më herët, Gjykata e Posaçme kundër Korrupsionit dhe Krimit të Organizuar kishte vendosur pezullimin nga detyra të Belinda Ballukut, si dhe masën e ndalimit të daljes jashtë vendit. Sipas GJKKO-së, masa u mor për shkak të dyshimeve se ajo, në funksion të detyrës së saj, mund të ndikonte në prishjen e provave apo intimidimin e dëshmitarëve.

Belinda Balluku, së bashku me disa vartës të saj, dyshohet se ka paracaktuar fituesit në dy procedura tenderuese me vlerë totale rreth 210 milionë euro, konkretisht projekti i Tunelit të Llogarasë me vlerë 190 milionë euro dhe loti 4 i Unazës së Madhe me 20 milionë euro. Po ashtu, ajo është nën hetim edhe për 7 lotet e tjera të Unazës së Madhe, një projekt me vlerë rreth 45.9 miliardë lekë (afro 450 milionë euro).

Në vijim të procedurave, Këshilli për Imunitetin dhe Mandatet pritet të mblidhet më 28 janar për të shqyrtuar kërkesën e SPAK për heqjen e imunitetit të Belinda Ballukut. SPAK kërkon arrestimin e saj, duke argumentuar se situata penale është rënduar dhe se zëvendëskryeministrja dyshohet për manipulim në të paktën 11 tendera publikë.

The post Gjykata Kushtetuese shqyrton sot çështjen e pezullimit të Ballukut appeared first on Shqiperia Post.

Së bashku me Becin, në cilësinë e të pandehurve janë: Adela Ruko, Edlira Mitrushi, Jonid Kazani, Yllka Nishku, Premtim Dauti dhe Rudin Gjoni. Adela Ruko është bashkëshortja e ish-kreut të ARRSH, Evis Berberi.

Sipas SPAK, hetimi lidhet me një tender të zhvilluar nga Korporata Elektroenergjitike Shqiptare (KESH), me objekt “Zhvillimi Strategjik i Sektorit Energjitik (Projekt Kërkimor)”, me fond limit rreth 69.5 milionë lekë.

Nga hetimet ka rezultuar se gjatë procedurës së prokurimit janë kryer veprime të kundërligjshme nga titullari i autoritetit kontraktor, anëtarët e njësisë së prokurimit dhe Komisioni i Vlerësimit të Ofertave, lidhur me përllogaritjen e fondit limit, hartimin e termave të referencës, përcaktimin e kritereve dhe vlerësimin e ofertave.

SPAK thekson se Benet Beci, në kohën kur ushtronte detyrën e administratorit të KESH, në bashkëpunim me të pandehurit e tjerë, ka paracaktuar dhe krijuar avantazhe të padrejta për shoqërinë fituese “Consulting & Management Albania” sh.p.k., në kundërshtim me ligjin për prokurimin publik.

Hetimi është mbështetur edhe në prova të siguruara nga pajisjet elektronike të sekuestruara gjatë një procedimi tjetër penal ndaj ish-kreut të ARRSH, Evis Berberi. Beci është thirrur disa herë në SPAK, ndërsa paraqitja e fundit e tij ishte më 19 dhjetor, ku qëndroi për rreth dy orë në ambientet e Prokurorisë së Posaçme, pa dhënë deklarata për mediat.

The post Benet Beci merret për gjykim nga Spak bashkë me 6 persona të tjerë appeared first on Shqiperia Post.

Diskutimi nisi pas një shkrimi të publikuar nga Pamflet, me titullin: “A është rikthimi i Lea Ypit, një negociatë e Edi Ramës me ndërkombëtarët?”. Në artikull thuhet se kryeministri Edi Rama e ka promovuar figurën e Ypit në arenën ndërkombëtare, duke u dhuruar liderëve botërorë libra të saj të përkthyer në gjuhët përkatëse. Sipas autorit të shkrimit, ky veprim lexohet më shumë si sinjal politik sesa letrar.

Më tej, artikulli sugjeron se kjo lëvizje përkon me një periudhë delikate politike, kur brenda rrjeteve të lidhura me Soros u përkrah ideja e Erion Veliajt si pasardhës i Ramës. Në vitin 2024, gjatë vizitës së Sekretarit amerikan të Shtetit, Antony Blinken, në Tiranë, kjo u reflektua edhe përmes takimit të tij me kryebashkiakun e Tiranës, ndërsa kryeministrit Rama iu përcoll mesazhi për të “hapur krahun”. Po atë ditë, sipas shkrimit, në SPAK përfundoi edhe letra anonime e Nesti Angonit, e cila më pas u pasua nga zhvillime të forta politike. Ndërkohë, viti 2025 shënoi një sukses të rëndësishëm për Lea Ypin në prezantimin e saj në tregun europian.

Por çfarë thotë vetë Lea Ypi për këto spekulime? A e sheh ajo veten të angazhuar drejtpërdrejt në politikën shqiptare?

E ftuar në emisionin “Off the Record” në A2 CNN, Ypi u shpreh se aktualisht është e fokusuar te puna akademike dhe librat e saj. Ajo tha se deri tani nuk e ka menduar veten pjesë të politikës aktive, megjithatë nuk e përjashton plotësisht këtë mundësi në të ardhmen.

“Mendoj se të gjithë jemi të përfshirë në politikë në një mënyrë ose tjetër, pasi ajo lidhet me pushtetin. Pushteti nuk ushtrohet vetëm përmes institucioneve. Unë, deri tani, nuk kam interes apo ambicie për të marrë vendime në kuptimin institucional. Ka shumë forma të tjera për të kontribuar në shoqëri dhe nuk është e thënë që një intelektual i mirë apo gazetar i aftë të jetë domosdoshmërisht edhe politikan i mirë. Aktualisht prioriteti im mbeten librat, shkrimi dhe komunikimi me lexuesit. Nuk dua as ta hap, as ta mbyll këtë derë”, – deklaroi Ypi.

Në të njëjtën kohë, emri i saj u përmend edhe nga kreu i Partisë Demokratike, Sali Berisha, gjatë një bashkëbisedimi online me qytetarët. Berisha e cilësoi Ypin si një shkrimtare të njohur, pa dhënë një qëndrim konkret për kandidaturën e saj, duke theksuar se një qeveri teknike duhet të ketë mbështetje të gjerë politike.

“I kam lexuar veprat e saj, por nuk mund të bëj komente të tjera. Ajo është një autore e njohur. Nuk kam informacion për pretendimet që përmenden. Një qeveri teknike duhet të jetë e besueshme dhe e pranuar nga të gjitha palët”, – u shpreh Berisha.

Duke folur për situatën politike në Shqipëri, Lea Ypi ngriti shqetësimin për mungesën e debatit ideologjik. Sipas saj, sot në vend nuk ekziston më ndarja klasike mes së majtës dhe së djathtës, pasi ideologjia dominuese është ajo e integrimit europian.

“Procesi i integrimit në Bashkimin Europian e bën politikën gjithnjë e më teknokratike. Nuk diskutohet mbi çështje themelore, por vetëm mbi afate dhe kritere për anëtarësim. Nuk ka debat për atë se çfarë përfaqëson Europa si projekt politik, dhe kjo e depolitizon jetën politike, sepse përgjigjet vijnë nga jashtë, nga vetë BE-ja”, – theksoi ajo.

Ypi nuk kurseu kritikat edhe ndaj forcave në pushtet, duke theksuar se partitë qeverisëse, si në Shqipëri ashtu edhe në vende të tjera europiane, shpesh janë të lidhura me tregjet financiare ndërkombëtare apo me grupe oligarkike vendase.

“Ato nuk zbatojnë politika të majta në kuptimin klasik, si rishpërndarja e pasurisë apo fuqizimi i sindikatave, ashtu siç do të pritej nga një e majtë socialdemokrate”, – përfundoi Ypi.

Në një moment kur emri i saj përflitet si mundësi për kryeministre të një qeverie teknike, Lea Ypi mbetet e qartë: aktualisht fokusi i saj është te librat dhe puna akademike, ndërsa politika mbetet një opsion i hapur për të ardhmen.

The post Lea Ypi kryeministre ardhshme e vendit ? appeared first on Shqiperia Post.

Celia Flores ka lindur më 15 tetor 1956 në Tinacillo, një qytet i vogël në veriperëndim të Venezuelës. Ajo vinte nga një familje e madhe dhe shumë e varfër, duke qenë një nga gjashtë fëmijët. Fëmijërinë e kaloi në kushte të vështira ekonomike, në një banesë modeste, ndërsa i ati punonte si tregtar ambulant.

Pas zhvendosjes së familjes në Karakas, Flores iu përkushtua arsimit dhe arriti të regjistrohej në fakultetin e drejtësisë. Pikërisht gjatë studimeve u njoh me Michael Moreno, i cili më vonë do të emërohej ministër i Drejtësisë në qeverinë e Nicolas Maduro.

Në fillim, ajo nuk shfaqi ambicie të forta politike. Punoi si stenografe në një komisariat policie, ku merrej me regjistrimin e dëshmive gjatë marrjes në pyetje. Në atë periudhë u martua për herë të parë me oficerin Walter Gavindia Rodríguez, me të cilin solli në jetë tre fëmijë.

Hyrja e saj në politikë erdhi pas trazirave të dhunshme në Karakas në vitin 1989. Flores iu bashkua lëvizjes së Hugo Chavez, të cilin e konsideronte një figurë heroike, dhe e mbështeti fuqishëm pas tentativës së dështuar për grusht shteti, që çoi në arrestimin dhe burgosjen e tij.

Me kalimin e kohës, ajo u bë pjesë e rrethit të ngushtë të Chavez dhe e shoqëroi në rrugëtimin e tij drejt pushtetit. Marrëdhënia mes tyre nuk mbeti vetëm në aspektin politik, por u kthye edhe në lidhje personale, në një periudhë kur të dy ndodheshin në prag divorci.

Në vitin 2007, Flores u zgjodh deputete dhe mori postin e kryetares së Asamblesë Kombëtare. Ndër veprimet e saj të para ishte emërimi i dhjetëra familjarëve dhe miqve në pozita shtetërore, duke shkaktuar akuza të forta për nepotizëm, të cilat ajo i shpërfilli.

Edhe raportimet për jetesën luksoze të të afërmve të saj, përfshirë udhëtime me avionë privatë, nuk duket se ndikuan në pozitën e saj politike.

Në vitet e fundit të qeverisjes së Hugo Chavez, Flores mbajti postin e ministres së Drejtësisë, ndërsa Nicolas Maduro shërbente si zëvendëspresident. Pas vdekjes së Chavez në vitin 2013, Maduro mori drejtimin e vendit dhe Flores mbeti pranë tij në qendër të pushtetit. Çifti u martua në korrik të po atij viti, duke forcuar njëkohësisht lidhjen personale dhe ndikimin politik në krye të shtetit venezuelian.

The post Gruaja Maduros , kush është Celia Flores appeared first on Shqiperia Post.

Në një deklaratë publike, Trump e përshkroi ndërhyrjen si “një operacion spektakolar”, duke theksuar se në të u angazhuan forca të fuqishme ushtarake nga ajri, toka dhe deti. Ai u shpreh se përmasat e këtij aksioni janë të papara prej dekadash, duke e krahasuar atë me operacione të mëdha të epokës së Luftës së Dytë Botërore.

Sipas presidentit amerikan, objektivi kryesor ishte një strukturë ushtarake e fortifikuar në qendër të kryeqytetit venezuelian, ku ndodheshin individë që ai i cilësoi si “kriminelë të rrezikshëm”. Trump theksoi se operacioni u autorizua drejtpërdrejt prej tij dhe se ushtria amerikane veproi me shpejtësi dhe precizion.

Duke folur nga rezidenca e tij në Mar-a-Lago, Florida, Trump deklaroi se Shtetet e Bashkuara do të marrin përkohësisht drejtimin e Venezuelës, deri në realizimin e një tranzicioni që ai e përshkroi si “të sigurt, të kontrolluar dhe të qëndrueshëm”.

“Ne nuk do të lejojmë që Venezuela të rikthehet në kaosin e viteve të fundit. Deri në një tranzicion të plotë dhe të qëndrueshëm, SHBA do të garantojnë administrimin e vendit”, u shpreh Trump, pa specifikuar një afat kohor për përfundimin e këtij procesi.

Më herët gjatë ditës, forcat amerikane ndërmorën sulme ajrore në territorin venezuelian, ndërsa Trump njoftoi se njësitë speciale arrestuan Nicolas Maduron dhe bashkëshorten e tij, Cilia Flores, duke i larguar ata nga vendi.

Operacioni, sipas burimeve zyrtare amerikane, u mbështet edhe nga njësi elitare të ushtrisë së SHBA-së, përfshirë Delta Force, dhe po cilësohet si një nga ndërhyrjet më të mëdha ushtarake amerikane në Amerikën Latine në vitet e fundit.

The post Trump pas arrestimit të Maduros, e paralajmërova, Venezuelën do ta drejtojmë ne appeared first on Shqiperia Post.

Sipas burimeve, masat e ndërmarra synojnë mbarëvajtjen e protestës dhe parandalimin e çdo incidenti të mundshëm, ndërkohë që qarkullimi i automjeteve në disa segmente mund të pësojë kufizime të përkohshme. Autoritetet u kanë bërë thirrje qytetarëve të shmangin zonën në oraret e protestës dhe të respektojnë udhëzimet e forcave të rendit.

The post Dy orë përpara protestës kombëtare të thirrur nga PD-ja, qindra forca policore blindojnë Kryeministrinë appeared first on Shqiperia Post.

Ajo është përshëndetur me gazetarët dhe, si gjithmonë, ka treguar humorin e saj, duke i pyetur ata nëse kanë ndjekur edicionin e fundit të “Big Brother”, ku ajo është opinioniste.

Me një buzëqeshje dhe në një atmosferë më të lehtë, Kryemadhi ka ironizuar për një nga episodet e emisionit, duke thënë: “Si jeni? E patë Big Brother apo jo? Vrenozi kishte nejt gjithë natën pa gjumë natën e parë, se nuk flente dot me burrë…. është shtu shumë kjo fjetja burrë me burrë, por…”.

The post Kryemadhi në Spak për masën e sigurisë, batuta me gazetarët: E patë Big Brother? Nuk kishte fjet ILIRI se… appeared first on Shqiperia Post.

Artan Hoxha u ndalua dje në pikën kufitare të Kakavijës, ku policia i komunikoi se nuk mund të hyjë në Greqi për shkak të rrezikut për rendin publik dhe sigurinë e brendshme. Ai u mbajt për rreth një orë dhe më pas iu dorëzua vendimi zyrtar, në të cilin ai karakterizohet si person i rrezikshëm për rendin publik, shëndetin publik ose marrëdhëniet ndërkombëtare. Më pas i është vendosur kryq në pasaportë dhe i është kërkuar të largohet menjëherë.

Vendimi është marrë në fillim të vitit 2024, në kulmin e fushatës për zgjedhjet Parlamenentare të BE, kur në listën për eurodeputet të partisë në pushtet Nea Dimokratia (Demokracia e Re) e kryeministrit Qiriakos Mitsotaqis, kandidonte Fredi Beleri me shtetësi shqiptare dhe greke.

Hoxha ka denoncuar aktivitetin e Fredi Belerit në “Masakrën e Peshkepisë” (1994), dhe është përballur edhe me procese gjyqësore në Tiranë gjatë 2023-2024. . Ndër të tjera, gazetari Hoxha e ka denoncuar aktivitetin e Fredi Belerit, në dëm të interesave shqiptare dhe në artikuj investigativ në median greke gjatë fushatës për zgjedhjet e parlamentit europian.

The post Greqia shpall “non grata” gazetarin Artan Hoxha appeared first on Shqiperia Post.