Opinionisti i njohur i “Big Brother VIP Albania”, Arbër Hajdari, ka qenë së fundmi i ftuar në panelin e emisionit “Goca & Gra”, ku ka ndarë mendimet e tij rreth dinamikave të formatit, situatave të ndryshme dhe rrugëtimit të banorëve.
I dalluar gjithmonë për natyrën e tij të drejtpërdrejtë dhe analizat e ftohta, Arbëri nuk ka ngurruar t’i përgjigjet edhe pyetjeve më ngacmuese të moderatoreve në studio.
Gjatë bisedës, ka qenë Rozana Radi ajo që i ka drejtuar një pyetje mjaft specifike dhe me interes për publikun, lidhur me banorët që kanë lënë garën përgjatë rrugëtimit: “A ka një banor që ka dalë jashtë shtëpisë dhe për ty duhet të ishte në finale?”.
Pa u menduar dy herë dhe duke i qëndruar besnik mendimit të tij, opinionisti e ka thënë troç emrin e personazhit që sipas tij meritonte të ishte pjesë e podit final. “Po, Kristi [Lamaj],” u përgjigj prerë Arbër Hajdari.
Me këtë deklaratë, ai ka treguar hapur vlerësimin e tij maksimal për lojën, argumentet dhe profilin që Kristi ka shfaqur gjatë qëndrimit në shtëpinë më të famshme në Shqipëri.
