Një moment tejet emocional është regjistruar gjatë ditës së sotme.
E njohur për profilin e saj të qetë dhe të përmbajtur gjatë lojës, këtë herë Benita nuk ka arritur të fshehë ndjenjat.
Situata u krijua në çastin kur në ambientet e shtëpisë u transmetua një këngë e interpretuar nga Endri Elshani, partneri i saj jashtë izolimit. Zëri dhe mesazhi i këngës duket se prekën thellë banoren, e cila u dorëzua përballë emocioneve.
Mes lotësh dhe mallëngjimi, Benita Zena u shpreh hapur:
“Të dua Endri, më mungon”, një deklaratë që u komentua gjerësisht nga ndjekësit e formatit.
Ky episod vjen vetëm pak ditë pas raportimeve të mediave, të cilat konfirmuan se personi që ka fituar zemrën e Benitës dhe që ajo ka lënë jashtë shtëpisë së Big Brother VIP Kosova është pikërisht Endri Elshani. Reagimi i saj i sinqertë ndaj këngës së tij vetëm sa përforcon dyshimet për një lidhje të fortë mes çiftit, e cila po i reziston distancës, presionit të lojës dhe izolimit.
Megjithëse Benita Zena dhe Endri Elshani nuk kanë ndarë ende detaje apo postime në rrjetet sociale mbi romancën e tyre, interesi i publikut për këtë histori dashurie është rritur ndjeshëm. Sipas pritshmërive, kjo marrëdhënie pritet të diskutohet më gjerësisht edhe në Prime-in e ardhshëm të spektaklit, ku mund të zbulohen më shumë detaje rreth lidhjes së tyre.
