Nëse keni fluturuar të paktën një herë, me siguri keni pyetur veten pse linjat ajrore nuk ofrojnë parashuta për pasagjerët në rast aksidenti. Një arsye kryesore është se trafiku ajror është një nga mënyrat më të sigurta të udhëtimit, megjithatë, aksidente janë gjithmonë të mundshme.
Edhe pse stjuardesat na mësojnë si të përdorim maskën e oksigjenit dhe rripin e sigurisë, pyetja për parashutat mbetet e justifikuar. Ja disa arsye pse ato nuk gjenden në aeroplanë:
- Lartësia dhe kushtet ekstreme – Aeroplanët fluturojnë rreth 10,000 metra lartësi me shpejtësi 800-1000 km/orë. Në këto lartësi, temperatura bie në -40 deri -60 gradë dhe mungon oksigjeni. Në këto kushte, një parashutë nuk do të kishte asnjë efekt, pasi pasagjerët nuk do të mund të mbijetonin.
- Aksidentet ndodhin kryesisht gjatë ngritjes dhe uljes – Në këto momente, pasagjerët nuk do të kishin kohë për të përdorur një parashutë. Për më tepër, në lartësi kaq të ulëta, parashuta nuk do të mund të hapej.
- Atmosfera në kabinë – Shtimi i parashutave mund të shkaktonte panik dhe tension te disa pasagjerë. Edhe vetëm prania e tyre mund ta bënte udhëtimin më të pasigurt ose të pakëndshëm për disa.
- Paniku dhe mungesa e trajnimit – Në rast rreziku, shumica e njerëzve nuk do të dinin të përdornin parashutën në mënyrë të sigurt. Ato kërkojnë trajnim të veçantë dhe vendosje të saktë në kohë, gjë që nuk është e mundur për pasagjerët mesatarë.
- Kostoja dhe hapësira – Parashutat janë të shtrenjta dhe kërkojnë hapësirë shtesë për ruajtje. Aeroplanët janë të kufizuar në peshë dhe hapësirë, dhe kjo hapësirë është e nevojshme për bagazhet e pasagjerëve, veçanërisht gjatë udhëtimeve të gjata ose me fëmijë të vegjël.
Në përfundim, mungesa e parashutave nuk është aksidentale – është një kombinim i sigurisë, kushteve ekstreme dhe logjistikës së udhëtimit ajror.
