Moti i përkeqësuar ka shkaktuar problematika në lagjen Beqirefend, një nga zonat më të vjetra të Delvinës, ku janë konstatuar rrëshqitje të dheut pranë banesave. Reshjet intensive të shiut gjatë orëve të fundit kanë destabilizuar terrenin në kodrën mbi lagje, duke bërë që masa dheu të lëvizë drejt oborreve dhe mureve rrethuese të disa shtëpive.
Banorët shprehen të shqetësuar për sigurinë e tyre, ndërsa situata vijon të monitorohet.
