HEBS është përfshirë në një denoncim publik për një rast helmimi të dyshuar, ku një vajzë deklaron se simptomat i janë shfaqur pasi kishte konsumuar ushqim të porositur nga kompania.
Sipas saj, fillimisht dy shoqe të saj kanë shfaqur probleme shëndetësore pas konsumimit të të njëjtave produkte, por ajo nuk i kishte marrë seriozisht këto raste. Dyshimet kanë nisur vetëm pasi edhe ajo vetë është përballur me simptoma të forta, të cilat e kanë detyruar të kërkojë ndihmë mjekësore.
“Kur u helmova edhe unë, atëherë e kuptova se produktet e HEBS nuk janë të mira për shëndetin”, është shprehur ajo në deklarimin e saj publik.
Deri më tani, nuk ka një reagim zyrtar nga kompania HEBS, ndërsa nuk dihet nëse rasti është denoncuar pranë institucioneve përkatëse shëndetësore apo autoriteteve të sigurisë ushqimore.
Ky denoncim ka ngritur shqetësime mbi sigurinë ushqimore, duke rikthyer vëmendjen te nevoja për kontrolle dhe verifikime të rregullta nga institucionet përgjegjëse për mbrojtjen e konsumatorëve./shqiperiaPost
