Partia Demokratike po zhvillon para godinës së Kryeministrisë protestën e saj të dytë kombëtare. Kryetari i PD-së, Sali Berisha, u largua nga selia blu rreth orës 17:20 për t’iu bashkuar protestuesve në bulevard, i shoqëruar nga Flamur Noka dhe Gazment Bardhi.
Për mbarëvajtjen dhe sigurinë e protestës, Policia e Shtetit ka angazhuar rreth 1 mijë e 350 efektivë të vendosur në terren për ruajtjen e rendit publik.
Në tubim është parë edhe ish-deputeti i Partisë Demokratike, Ervin Salianji. Në podiumin e ngritur përpara Kryeministrisë, fjalën e parë e mbajti Luçiano Boçi, për t’u pasuar nga aktivistë të ndryshëm të PD-së, ndërsa fjalimi përmbyllës iu rezervua kryedemokratit Sali Berisha.
