Në mëngjesin e sotëm, pamje të pazakonta janë regjistruar në Shqipëri, ku katër furgonë të Guardia di Finanza, policia financiare italiane, janë parë duke lëvizur në rrugët e vendit. Prania e tyre ka ngjallur reagime dhe pikëpyetje mes qytetarëve, të cilët pyesin për arsyen e kësaj lëvizjeje.
View this post on Instagram
Deri në këto momente, nuk ka asnjë njoftim zyrtar nga Policia e Shtetit apo autoritetet italiane lidhur me ndonjë operacion të zhvilluar në territorin shqiptar. Megjithatë, burime jozyrtare bëjnë me dije se raste të ngjashme në të kaluarën kanë qenë të lidhura me bashkëpunime institucionale mes Shqipërisë dhe Italisë, përfshirë trajnime, mbështetje logjistike dhe koordinim në luftën kundër krimit të organizuar, kontrabandës dhe evazionit fiskal.
Shqipëria dhe Italia kanë prej vitesh një bashkëpunim të ngushtë në fushën e sigurisë, ku Guardia di Finanza ka qenë e përfshirë edhe më parë në misione dhe projekte të përbashkëta.
Aktualisht, nuk raportohet për arrestime apo aksione konkrete, ndërsa mbetet për t’u parë nëse autoritetet do të reagojnë me një sqarim zyrtar në orët në vijim. /shqiperiapost
